Bol Madhavache

नको उपासतापास नको तीर्थ पर्यटन
खाटेवर बसून मोबाईलवर देवदर्शन

ना व्रतवैकल्य ना प्रायःश्चित्त पश्चात्ताप
इमेजेस खंडीभर पुण्य पदरी आपोआप

नको टाकीचे घाव हवे मेमरी कार्ड
देखल्या देवा दंडवता आधी मेसेज फॉरवर्ड

कसे तरंगावे अभंग कशी चालावी भिंत
दर्शन दिव्य प्राप्तीसाठी हवी थोडी बँडविड्थ

मूर्तीपेक्षा सुंदर असावी ती सजावट
प्रसाद ठेवा बाजूस आधी नैवेद्याचे ताट

मोदकावर तूपाची धार उधळावा गुलाल
आशीर्वाद मागावा वरुनी जिओ तेरे लाल