Bol Madhavache

शनि शिंगणापूर

संत परंपरा घडविते मुक्ताबाई जनाबाई


साज तयावर चढविते चौधरी बहिणाबाई



देवाची द्वारी नसे नरनारी भेदभाव


उभे रहाता क्षणभरी नेत्री दाटावा भक्तिभाव



कुठला शास्त्रार्थ कुठला हा अन्वय


सर्व बाजूंनी ठेवावा विवेक समन्वय



मुंगी उडावी आकाशी तिने गिळावे सूर्याशी


संवाद का खुंटावा केवळ गर्भगृहापाशी



परमेश्वरचरणी दृष्टी असावी निकोप


भगिनींच्या स्पर्शाने कसा होईल प्रकोप



कोण रागिणी वाघिणी कोणाची हो शिकार


त्वेष आवेश आक्रोश चित्ती असती विचार


भेटी लागे जीवा लागावी उरी आस


नको लोळणे रस्त्यावरी नको प्रसिद्धी हव्यास



भक्तीचाच ठेवा देहाची तिजोरी


देहभान हरपता कोण नर कोण नारी

पृष्ठे: 1 2 3 4 5 6 7 8 9 10 11 12