बाॅबस्फोटाच्या साखळीतून
धापा टाकत सावरत होती
एक लंगडी जख्खड म्हातारी
नाव तिचे हो मुंबापुरी
लबाड लेकरांनी लुबाडले का रे
घर अंगण तिचे उजाडले सारे
छप्पर उडले पाऊस ना ओसरे
आनंदाहून उरी आज धडकी भरे
कुठे लागे आग कुठे पडे ते विमान
फाटे कुठे धरती, गडगडे आसमान
पडे कुजवले झाड, पडे पूल पादचारी
आसरा देते माय, आसराच शोधे बिचारी
आखडल्या धमन्या गलित आज गात्र
धडधडे ह्रुदय म्हणूनि जीव नाम मात्र
आकुंचिती फुफ्फुसे कोंडतो तिचा श्वास
टाळ्या पिटवून म्हणती झाला पहा विकास
माझ्या ब्लॉगला भेट दिल्याबद्दल धन्यवाद. आपल्या भोवती घडणाऱ्या घटनातून, अनुभवातून आपल्या सर्वांच्या मनात अनेक पडसाद, भावना उमटतात. त्या फक्त शब्दबद्ध करणे हा अल्पसा प्रयत्न आहे. या प्रवासात आपण सहप्रवासी आहात याचा आनंद आहे. आपण आपली प्रतिक्रिया ब्लॉगवर जरूर नोंदवा.
नवविवाहित दांपत्याच्या स्वप्नांना अलगद उलगडत संसार सजवणारा दहा कवितांचा संग्रह आहे …. सुखचित्र नवे
.https://books2read.com/u/31AkzD
स्वातंत्र्यवीर सावरकर यांच्या जीवनावर आधारित माझा यूट्यूब कार्यक्रम सुद्धा उपलब्ध आहे.
Bol Madhavache 
यावर आपले मत नोंदवा