Bol Madhavache

दरवर्षी होतो माझा नित्यनेमाने घटस्फोट
तरीही म्हणते मी इंटरनेटवर मीच गर्ल हॉट

मधुचंद्रास जाताना सुद्धा हवा मला कॅमेरा
कधी वाटते थ्रिल कधी पत्रकारांचा ससेमिरा
सुखही नाही अनुभवत तरी देईन सीन खरा
अतृप्ततेचा भाळी शाप अधांतरी जाते वाट

नाही कुटुंबवत्सलता नाही जिव्हाळ्याचे सुख
पटलावर येते नवी सरते मग माझी ओळख
ठाकता दुःख उभे कधी दाटतो उरी काळोख
स्पर्धायुग म्हणती यासं सारे काही झटपट

द्रोपदीचे रूप माझे मांडिती पुन्हा ते द्यूत
मानसन्मान कसला स्त्री दाक्षिण्य टोपलीत
येणार नाही कान्हा मीच जाते भरसभेत
सौंदर्याचा माझा की रे दिखाऊपणातच शेवट