Bol Madhavache

फिरत्या व्हॅन वरती देसी बातमीला आकार
मिडीया तुझा वेडा पत्रकार

खोट्या मुलाखती कधी घोटाळा
तूच मिसळशी सर्व मसाला
ब्रेकिंग न्यूज मग ये जन्माला
तुझ्या अनैतिकतेला नसे सीमा नसे काही सुमार

घटा घटांची बातमी वेगळी
अति कष्टाने तू उतरवशी गळी
कळेना तुज तुझी प्रतिमा डागाळली
गुन्ह्यास सदा घालूनी पाठी करिसी असत्याचा जुगार

तूच बनवीशी तूच बनशी
कुरवाळिसि तू गर्तेतच बुडसी
न कळे यातून कुठले हित जपसी
फिरविसी कॅमेरा परि दिसे इतरा तयामागे अंधार