Bol Madhavache

मोबाईल हाती धरी

असेल हरी तर देईल खाटेवरी

 काही कष्ट नको  मोबाईल हाती धरी 

गुगल व्हाट्सअप चॅट जी पी टी 

अफाट माहिती किती ती महती 

ज्ञानगंगा वाहे दारी तीही आयती 

सारे काही मिळे हो बसल्या घरी 

काही कष्ट नको मोबाईल हाती धरी

युनो कुठे चुकते का रुपया झाला ऱ्हास 

दिवाळी काय आहे कशी करावी आरास 

प्रेम कसे ओळखावे तेही विना सायास 

शब्दांचे बुडबुडे ना कृती खोटी खरी 

काही कष्ट नको मोबाईल हाती धरी

ना अनुभूती करुणा ना तपस्या साधना 

ना समर्पण सेवाभाव या वेदना संवेदना 

उखडली पाळे मुळे नाळ कुठे जुळेना

बधिर वाचा मने बधीर झाली बुद्धी सारी 

काही कष्ट नको मोबाईल हाती धरी

पृष्ठे: 1 2 3 4 5 6 7 8 9